【美國加息｜通脹又升 聯儲局加息加到你怕？程式交易照賺盡市況】
美國8月通脹高企不下 聯儲局預計繼續加息 最新出爐美國8月份CPI按年升8.3%，撇除能源及食品嘅核心CPI按年升6.3%，兩個數齊齊超出市場預期。原本預期下星期聯儲局會議最多都係加0.75厘，但CPI數據一出，市場開始擔心，當局可能更加進取。芝商所FED Watch工具顯示，聯儲局於9月會議上加息1厘嘅機會率，由原先0%彈升至33%，至於加0.75厘概率就由原先91%跌到62%。 聯儲局主席鮑威爾之前已經講到明，要展現抗擊通脹決心，將利率保持係更高水平，直到通脹真係受控，其後多位局內官員包括理事沃勒、堪薩斯城聯儲銀行行長喬治等亦表態力撐。美國走上加息之路，毫無懸念。 美匯指數已經去到110水平，咁講法，仲有空間再上？無錯。 不過係咁加息，經濟未必頂得順。諾貝爾經濟學獎得主克魯格曼(Paul Krugman)已經警告，指美元係主要儲備貨幣，聯儲局加息行動將會衝擊全球經濟。全球最大對冲基金橋水創辦人達里奧（Ray Dalio）亦話，全球迎黎滯脹，估計全球央行將會係2024年減息。而2024年正正就係美國總統大選年，要係大選後留有空間谷谷經濟、鞏固民望，依家就要鋪定路，提前加息，留有子彈將來減息之用。 加息預期支撐美匯高位 AI程式交易捕捉外匯入市時機 換言之，2024年之前，美匯指數有機會扶搖直上，其他非美貨幣睇怕無運行。歐元要面對俄羅斯斷供能源；日圓繼續負利率；英鎊受國內政局動盪困擾。 …
July 23, 2025
