股票可以買升，要沽空就限制多多，外匯市場就唔同啦，貨幣對可以睇升、亦可以睇跌，限制相對比股票更少，因此獲利機會就更多。利潤就係透過低買高賣或沽空貨幣對而黎。

以USDJPY=128.852為例：

睇好USDJPY → 認為美元會走強、兌日圓會上升

當USDJPY升到128.882時，利潤相等於30步，即係3點；

睇淡USDJPY → 認為美元會轉弱，兌日圓會向下

當USDJPY跌到128.802時，利潤相等於50步，即係5點。

實際獲利金額就視乎你落咗幾多手單，一手單相等於10萬基礎貨幣。為咗令更多投資者可以用較低成本參與外匯投資，部分券商會將一手單拆細，提供迷你及微型賬戶，低至0.01手、1千基礎貨幣即可入場。

想輕鬆計出獲利金額，只須記住「3條1」口訣：落1手、行1步、賺1蚊。假設落1手GBPUSD，行1步，就賺1蚊報價貨幣，係呢個例子當中即係1蚊美金；假設EURGBP，如果落1手，行1步，就賺1蚊英鎊。

落單手數少，亦可以用同樣計法：落0.1手、行1步、賺0.1蚊報價貨幣，如此類推。

嫌煩唔想自己計？都有辦法。網上可以搵到外匯交易利潤計算機，輸入貨幣對、交易方向、買入及賣出價、交量手數等資料，就能自動計出賺蝕金額。

5小時入門課程，限時優惠$388，為你打開投資新領域。機會擺在眼前，視乎你如何選擇。