![量化交易四大優勢 量化交易四大優勢](https://forexforest.com/hk/wp-content/uploads/sites/3/2022/07/量化交易四大優勢.webp)
習慣咗手動落盤嘅投資者,可能會問,有無必要使用量化交易(又稱程式交易)?
既然手動trade開一直都冇乜問題,洗乜咁煩轉用量化交易?
如果你有呢個諗法,可能係未了解量化交易嘅絕對優勢:
- 電腦唔會攰,但人腦會
每人每日做8至10粒鐘,應該已經係極限?當你係少睡一族,一日點都要訓兩三粒鐘。電腦就唔同,只要有電,就可以run足24小時,換言之,量化交易可以24小時、無間斷落盤。只要set好策略,程式就識得自動執行,好似請多咗個員工返黎同你打工賺錢,你就無須秒秒鐘睇實個盤,變相有更多自由時間可用。
- 程式交易運算能力、學習能力肯定比你強
俾你一分鐘時間,睇圖分析兼落盤,你可能淨係trade到一次。用相同時間,自動程式可能已經交易左30次,皆因電腦可以於短時間內高速地將龐大資訊進行統一、整合、分析、運算,入市時間及價位相比手動落盤更為精準,無須擔心miss咗黃金投資機會,亦可避免因為手殘而落錯價、落錯方向等不必要過失。
- 你一定唔夠自動程式客觀
落50萬盤,你可能覺得係小菜一碟,但落5百萬、5千萬呢?真係仲可以面不改容、無任何心理壓力、嚴守止蝕?自動交易程式不受情感因素影響,無論市場環境如何波動、投資金額多少,均能客觀如一,清醒執行交易指令。
- 回測能力高人一等、睇數據更精準可信
手動交易可能先單靠經驗什至第六感、或者實際落盤一段時間,收集足夠數據後先能夠做回測,過程中只能單靠盤感優化策略,因此絕大多數手炒人士都不賺錢又或者賺得不多,但卻要花大量時間長期盯盤。而量化交易則可以輕而易舉收集眾多策略做back testing(回測),從而優化策略,搵出勝算更高方程式。