![typhoonWEB2 typhoonWEB2](https://forexforest.com/hk/wp-content/uploads/sites/3/2023/06/typhoonWEB2.webp)
上星期天文台話周末落雨,偏偏出大太陽;諗住今個星期終於有得出街玩,點知日日落雨。天氣難測,投資市場同樣難以捉摸。
如果突然發生意料之外、黑天鵝事件,明明睇啱邊、做啱方向,都可能由贏變輸。無人知道呢啲事件幾時發生,唔通每時每刻坐係電腦前面分分秒秒睇實咩?就算咁啱俾你遇上,事情發生既時候你都未必可以即刻反應,等你冷靜落黎,又可能太遲,原本倉位可能輸曬。
意外,就係意料之外,係咪代表投資者無能為力,只能任市場擺佈?
作為小投資者,我地可以做既,就係裝備自己。充實自己既腦袋,同時借助電腦快、狠、準既優勢,減少黑天鵝事件發生時所造成既損失,例如買股票,都可以預先set定止蝕價,減少損失。不過科技進步,電腦可以做既其實早已唔止咁少,最新金融科技–自動交易程式仲可以根據不同預設指標,幫你分析即時走勢動向,等你把握最好時機入市、又或者係大幅波動市況當中,控制風險損失。
自動交易程式以往可能只局限於有資源、有人力物力既投資大行、私人銀行、大戶等使用,但依家已經唔同,小散戶同樣可以享用到自動交易程式,為投資大大增加勝算而入場門檻更能低至10至100美元,是目前大眾投資的新興大熱工具。